Ohiko galderak

 

Ohiko galderetan Berener energia komunitateari buruzko zalantza nagusiak bildu ditugu.
Nola funtzionatzen duen, nola parte hartu edo zer onura dituen jakiteko, hemen aurkituko dituzu erantzunak modu argi eta errazean.

Zer da zehazki Berener?

Berener Bergarako energia berriztagarrien komunitatea da.
Herriko pertsonek, enpresek eta erakundeek elkarlanean sortutako kooperatiba da, energia garbia sortu eta partekatzeko.

Helburua ez da dirua irabaztea, baizik eta:

  • energia berriztagarria sortzea,

  • herritarren parte-hartzea sustatzea,

  • eta pixkanaka energia burujabetza lortzea herrian.

Zergatik da garrantzitsua energia komunitate bat?

Energia komunitateek aukera ematen dute:

  • energia garbia sortzeko,

  • herritarrak erabakigunean jartzeko,

  • eta energia sistema bidezkoago eta jasangarriago bat eraikitzeko.

Modu errazean esanda: energia gure herrian sortu eta gure artean partekatzea.

Nire etxean plakak jarri behar ditut?

Ez 
Autokontsumo partekatuan oinarritzen gara. Horrek esan nahi du instalazio bakar batek sortutako energia bazkideen artean banatzen dela.

Beraz:

  • ez duzu obrarik egin behar,

  • ez duzu instalaziorik jarri behar,

  • eta ez duzu konpainiaz aldatu behar.

Benetan murriztu daiteke argindar faktura?

Bai, kasu askotan bai.
Zure kontsumoaren zati bat eguzki energiaren bidez estaltzen da, eta horrek faktura elektrikoa murrizten laguntzen du.

Aurrezpena pertsona bakoitzaren ohituren arabera alda daiteke, baina:

  • energia propioa kontsumitzen duzu,

  • eta soberakina sarera joanez konpentsazioa jaso dezakezu.

eta ez duzu konpainiaz aldatu behar.

Nork har dezake parte?

Edozein herritar, elkarte edo enpresa izan daiteke bazkide.
Helburua da Bergaran bizi edo jarduten duen jendea elkartzea energia berriztagarria sortzeko.

Zer baldintza bete behar dira instalazioetan parte hartzeko?

Zein baldintza bete behar dira?

Instalazioen onuradun izateko:

  • Berenerreko bazkide izan behar da

  • Instalaziotik 2 km baino gutxiagora bizi

  • Energia pakete batean parte hartu

Horrela bermatzen da sortutako energia benetan tokiko komunitatearentzat izatea.

Bazkide izateak automatikoki proiektu batean parte hartzea esan nahi du?

Ez beti. Bazkide izan zaitezke, baina instalazio jakin batean parte hartzeko baldintza batzuk bete behar dira (adibidez, distantzia maximoa instalaziotik).

Hala ere, bazkide izateak beste onura batzuk ematen ditu eta etorkizuneko proiektuetan parte hartzeko aukera zabaltzen du.

Zenbat ordaindu behar da bazkide izateko?

Hasierako ekarpen bakarra egiten da:

  • Pertsona fisikoak: 100€

  • Elkarte edo enpresak: 200€

Urtero kuota txiki bat ordaintzen da kooperatibaren gastu arruntak estaltzeko.

Zer da 0,5 kW-ko pakete bat?

Pakete bat hartzeak esan nahi du instalazioaren zati bat zuretzat gordetzen dela.
Adibidez, 0,5 kW-ko pakete bat hartuta, instalazioak sortzen duen energiaren zati bat zure kontsumora bideratzen da.

Horri esker:

  • sortutako energia kontsumitzen duzu,

  • eta zure fakturan aurrezpena nabaritu dezakezu.

Eta sortzen den energia guztia ez badut kontsumitzen?

Momentuan kontsumitzen ez duzun energia sarera injektatzen da.
Ondoren, merkaturatzaileak konpentsazio ekonomikoa egin dezake fakturan.

Zer onura ditu Berenerreko bazkide izateak?

  • Zure herrian sortutako energia erabiltzea

  • Faktura elektrikoa murrizteko aukera

  • Ingurumenaren aldeko ekarpen zuzena

  • Erabaki kolektiboetan parte hartzea

  • Tokiko ekonomia eta proiektuak indartzea

Ez zara bezero hutsa: komunitateko kide aktiboa zara.

Nola eman dezaket izena?

Bazkide izateko galdetegia bete eta hasierako ekarpena egin behar da.
Ondoren, komunitateko kide bihurtzen zara eta proiektuetan parte hartzeko aukera izango duzu.

Zalantzak baditut, norekin jarri harremanetan?

Jar zaitez gurekin harremanetan ( berener@berener.eus) edo etorri Ehunduko bulegora (Mizpildi kalea 2, behea).
Pozik azalduko dizugu nola funtzionatzen duen eta zure kasuan zer aukera dauden.