ENERGIA BERRIZTAGARRIEN KOMUNITATEA

Zer da Energia Berriztagarrien Komunitatea?

Bergarako Energia Berriztagarrien Komunitatea energia berriztagarrien ekoizpena, autokontsumo partekatua eta energia kontsumoaren aurrezpena sustatzen dituen kooperatiba herritarra da.

Zein helbururekin sortu da?

  • Trantsizio energetikoa bultzatzea.
  • Herritarrak ahalduntzea.
  • Burujabetzaren bidean urratsak ematea.
  • Pobrezia energetikoari aurre egitea.

Zeintzuk dira gure lan ildoak?

Autokontsumo partekatua

Energia berriztagarrien bitartez norberaren kontsumorako bideratutako energiaren ekoizpena.

Energia sorkuntza

Energia fotovoltaikoa, hidroelektrikoa zein termikoa sortzeko proiektu berriak garatzea.

Energia aholkularitza

Herritarrek proposatutako proiektuak bideratu edota fakturak irakurri eta ulertzen laguntzeko. Ehunduren bulegoan eskainiko da (Mizpildi kalea 2).

Hiru lantaldetan antolatzen gara

Proiektuak

Autokontsumo partekatuko edota energia sorkuntzako proiektu berrien lantaldea.

Juridiko-administratiboa

Kooperatibaren gobernentzarekin eta bideragarritasunarekin zerikusia duten gaien lantaldea.

Komunitatearekin harremanak

Komunitatea osatzen dugun pertsonen harremanen eta komunikazioaren lantaldea.

Ohiko galderak

Zer egin behar dut nire etxean eguzki plakak jarri nahi baditut?

Jarri zaitez gurekin harremanetan edo etorri Ehunduko bulegora (Mizpildi kalea 2, behea).

Nire energia fakturan aurreztu dezaket?

Ekarri zure azken fakturak Ehunduko bulegora eta aurrezteko aukerak dauden aztertuko dugu.

Zer da Energia Berriztagarrien Komunitate bat?
  • Energia burujabetzarantz abiatzeko tresna
  • Energia modu indibidual edo/eta partekatuan sortu eta kudeatzetik eredu KOMUNITARIOAN energetikoki burutu nahi diren bestelako ekintzak lantzeko aukera.
  • ENERGIA KOMUNITATEA izaera juridikodun entitatea da. Ingurune hurbileko pertsona eta erakundeak, publikoak zein pribatuak elkartuaz, energia sektorearekin zerikusia duen jarduera batean lankidetzan aritzeko asmoz, bertako kideei edo tokiko komunitateari zerbitzuak edo bestelako onura sozioekonomiko eta ingurumenekoak emateko.
Zergatik parte hartu energia komunitate batean?
  1. Energia oinarrizko ondasuna delako.
  2. Energia berriztagarrien sorkuntza bultzatzeak energiaren aldetik independenteagoak egiten gaituelako.
  3. Herritarren ahalduntzea (kontsumitzailetik prosumidorera). Pertsonak dira instalazioen jabeak.
  4. Pertsonak erdian kokatzea, gauzak egiteko beste modu batzuk daudela frogatuz.
  5. Klima-aldaketa arintzeko tresna direlako.
  6. Energia kontziente eta arduratsuago batetik kontsumitzen du.
  7. Tokiko baliabideak aprobetxatzen dituelako.
  8. Energia-pobreziari aurre egiteko ekimenak.
  9. Proiektu kolektiboetan gizartearen parte-hartzea sustatzea.
  10. Guztion artean egindako proiektuak, gure beharrei erantzuten.
Zein gai landu ditzake Energia Berriztagarrien Komunitate batek?
  • Fotovoltaikoa.
  • Hidroelektrikoa.
  • Termikoa.
  • Mugikortasun jasangarria.
  • Aholkularitza eta formakuntza.
Zeintzuk dira herriarendako onurak?
  • Krisi ekologikoari aurre egin, 100% berriztagarria.
  • Faktura elektrikoa murriztu.
  • Baliabide energetikoak denon eskura.
  • Denon artean pentsatu, eraiki eta erabaki.
  • Tokiko ekonomia sustatzea eta lanpostu berriak sortu herrian.
  • Herritarron energia beharrak gure baliabideekin asetzea.
Zergatik erabiltzaileen kooperatiba bat?

Herritarrak, Udala, enpresa eta eragileak borondatez elkartu gara gure behar eta nahi ekonomikoak eta sozialak elkarrekin asetzeko, jabetza bateratua eta kudeaketa demokratikoa duen irabazi asmorik gabeko kooperatiba baten bitartez.

Nork osatzen du kooperatiba?
  • Bazkide erabiltzaileak.
    • Fisikoak.
    • Juridikoak.
  • Lan bazkideak.
  • Bazkide laguntzaileak.
Zer egin behar dut kooperatibako bazkide izateko?

Harremanetarako galdetegia bete eta bazkide izateko kapital ekarpena egin:

  • Erabiltzaile fisikoak: 100 euro.
  • Juridikoak: 200 euro.