Komunitatea
Berener Bergarako herritar, erakunde eta enpresek osatutako energia berriztagarrien komunitatea da.
Helburua argia da: energia garbia sortu, partekatu eta herritarren esku jartzea, modu justu eta jasangarrian.
Kooperatiba bat gara, irabazi asmorik gabea, eta erabakiak bazkideon artean hartzen ditugu.
Nork osatzen dugu Berener?
– Herritarrak (bazkide erabiltzaileak)
– Enpresak eta erakundeak (bazkide laguntzaileak)
– Udala eta tokiko eragileak
Berener komunitate ireki bat da:
herritarrak, tokiko enpresak eta erakunde publikoak
elkarlanean aritzen gara, energia burujabetza lortzeko helburuarekin.
Lantaldeak
Hiru lantaldetan antolatzen gara
Energia proiektuak
Autokontsumo partekatuko instalazio berriak eta energia sorkuntzako proiektuak lantzen dituen taldea.
Helburua: herrian energia berriztagarria sortzeko aukera berriak garatzea.
Juridiko-administratiboa
Kooperatibaren gobernantza, araudiak eta bideragarritasun ekonomikoa lantzen dituen taldea.
Helburua: proiektua sendoa eta iraunkorra izatea.
Komunitatearekin harremanak
Bazkideen arteko harremanak, komunikazioa eta herritarren parte-hartzea sustatzen dituen taldea.
Helburua: komunitatea indartzea eta jende gehiago inplikatzea.
Jarri gurekin harremanetan
Gure balioak
Berener ez da soilik energia proiektu bat.
Herri proiektu kolektiboa da, non:
-
Erabakiak bazkideen artean hartzen diren
-
Tokiko energia sortzen dugun
-
Herritarrak kontsumitzaile izatetik eragile aktibo bihurtzen diren
–
Nor dago komunitatearen atzean?
Berener herritarren ekimenetik sortu da, baina hainbat eragileren laguntza du: Bergarako Udala, Alet eta Fagor bezalako bazkide laguntzaileak, besteak beste.
Haien ekarpenari esker, herrian energia berriztagarrien instalazioak garatzeko eta proiektua epe luzera sendotzeko aukera dago.
Bergarako Udala ere Berenerreko bazkide laguntzailea da, eta energia trantsizioaren aldeko apustu estrategikoaren parte da.
2024an onartutako Tokiko Klima eta Energia Planaren baitan, udalak eta Berenerrek elkarlanean lan egiten dute energia burujabetza eta herritarren parte-hartzea sustatzeko.
Aritz Otxandiano, Fagorreko Jasangarritasun arduraduna, eta Arianne Kareaga, Berenerreko lehendakaria. Fagor Taldea.
Aritz Otxandiano: “La transición energética es fundamental para seguir avanzando en la sostenibilidad y la transición ecosocial. Este tipo de comunidades ofrecen un modelo energético más justo y más democrático, basado en las energías renovables. Permiten, a su vez, el empoderamiento de la ciudadanía. Por todo ello, es importante apoyar estos proyectos”
Pertsonak erdigunean
Berener ez da enpresa bat; komunitatea da.
Bazkideek erabakiak hartzen dituzte, proiektuetan parte hartzen dute eta energia eredua aldatzeko bidean urratsak ematen dituzte.
Helburua ez da irabazi ekonomikoak maximizatzea, baizik eta herritarren ahalduntzea, ingurumenaren babesa eta energia burujabetza sustatzea.
Ander Zangitu: “Dependentzia energetikoa amaitzeko bidea izango da Berener kooperatiba”
Zenbat gara gaur egun?
Gaur egun, dozenaka bazkide erabiltzaile eta hainbat bazkide laguntzaile ditu komunitateak, eta helburua gero eta pertsona gehiagorengana iristea da, sortutako energia ahalik eta etxebizitza gehienetara heltzeko.
Bazkide egin
Prest al zaude parte hartzeko?
Zure herrian sortutako energia berriztagarriaren parte izan zaitez eta trantsizio energetikoan ekarpena egin.
